Grunnprisen for kvart rom gjeld éin person. Prisen for kvar ekstra person er 400–500 NOK. Eit reingjeringsgebyr på 150 NOK per person blir lagt til kvar reservasjon.

Sengetøy, handkle, wifi og ein god frukost er alltid inkludert i prisen. Moglege tillegg er middag, klesvask, kajakkleige og transport. Spør gjerne om prisar, og viss du treng noko som ikkje er nemnt her, berre ta kontakt!

Middag kostar 150 kr per person, og kan betalast med kort eller kontantar. Du kan leggje til middag når du bestiller, men du kan òg spørje ved ankomst, eller sende ei melding like før opphaldet ditt. Sei gjerne frå så tidleg som mogleg dersom du har allergiar eller treng tilpassa kosthald.

Dersom du ønskjer å ete ute, finst det fleire hyggelege restaurantar i Voss, og nokre få i Dale. I Evanger er det berre mogleg å ete her hjå oss, eller i kafeen min når den er open.

I skuleåret (august til juni) er det fint om du sender ei melding om når du ventar å ankomme, spesielt viss du kjem ein måndag eller tysdag. For lengre opphald på meir enn to veker, ta kontakt for pris og vilkår.